هي بقت كده !!!!

أحب أن أوجه الشكر للحاسة السادسة التي بداخلي

بالإضافة إلي الخبرة التي اكتسبتها من تجاربي السابقة

:) :) :)

من فيلم أسد واربع قطط

خط القلم..............ألم

bye bye

دون افتعال ضجة أو جلبة ......دون أن تسمع أصداء صرخات أو عويل ......بهدوء تام وسكينة نفس اعلن انسحابي

حين تصل إلي قمة اللامبالة بكل شيء وكل شخص ......فلا يوجد ما ترغب في الكتابة عنه أو إليه

لاشيء ولا شخص يستحق أن تبكي أو تتباكي لأجله ........ولكن هناك دموعاً قدر لنا ذرفها

حين تتحول الوسائل إلي غايات نتقاتل من اجلها...ذاك هو توقيتي المفضل للأنتخة

ربما تكون تلك آخر تدويناتي.............. وربما لا

حتي ابتسماتي .......آخذة في الانكماش ...ربما غدا يحل محلها العبوس التام ....من يدري

حين لا تجد المثل من يجسدها ........حين تصبح كالروح الشاردة التي لا تجد جسداً تتشكل بداخله ......فالوجوم حينها يتلبس أمثالي

بهدوء تام .................احتضر نفسياً

عفواً ......تم اغلاق المدونة حتى إشعار آخر

نفذت كلماتي ........وحدها كلمات الله التي لاتنفذ

عيد ميلاد فرفوشة

الأثنين الماضي......... تمت فرفوشة سنة

ماكانش مزاجي يسمح بالكتابة ؛ ولا كان عندي وقت كنت مشغولة في كذا حاجة

اقول ايه .......هممممممممم

يعني هو انا ومدونتي بنشترك ان عيد ميلادنا في شهر واحد

بس هي تمت سنة انما انا حتم في 28 الشهر ده 22 سنه

بقالي 22 سنه ؛ بتنفس الأكسجين ؛ وازفر ثاني اكسيد الكربون...يااااااااااااه

في السنتيين اللي فاتوا حسيت اني عجزت اوي ؛ لا ولقيت في شعري شعريتين بيض فكرت اشدهم ؛ بس غيرت رأيي ؛ الشيبة ليها هيبتها برضه

اتخرجت والحمد لله

وبشتغل برضه والحمد لله

صحيح كل شهر بجرنال ؛ بس اعمل ايه هي ديه ظروف المهنة

صحيح ؛ بخصوص العمل ؛ اكتشفت ان الناس بتبص للحياة من خرم ابرة مصدية ؛ يعني لما اي واحد يشتغل في شغلانة بتدي مرتب محترم يقولك ده ليله مستقبل حتي لو الواقع بيثبت العكس ؛ جايز بيقبض 2000 دلوقتي وغيره بيقبض 200 بس هو حيفضل يقبضهم كمان 10 سنين ادام وغيره ده اللي مش ثابت في حته حيتخطاه بمراحل

يقولك شفلك شغلانة بمرتب ثابت ؛ ياعم اذا كانت الحياة نفسها مش ثابتة ؛ إذا كان وهو رايح الشغلانة الثابتة اللي بالمرتب الثابت تيجي عربية مش ثابتة تطيره تخلص علي

اعتقد ان احنا بندور عن الثبات عشان عارفيين ومتأكديين ان احنا مش ثابتيين ؛ ومسيرنا يوم نتزحلق

باختصار انا افضل ركوب الأمواج عن الجلوس علي الشاطيء في انتظار المد

فرفوشه لسه طفلة صغيرة انما صاحبتها خلاص داسها القطر

الحياة العاطفية والحمد لله .......على البلاط...أو علي رأي محمد صبحي...... اون سيراميك

ومش عارفة هو ده ميزة ولا عيب

يعني ايه الفايدة اني ارتبط مثلا في الجامعة وافشكلها بعد كده ...الحمد لله من 12 صاحبة مقربييين واحدة بس اللي كملت مع البني آدم اللي كانت مرتبطة بيه ايام الجامعة ولسه في مرحلة الخطوبة............... والله اعلم

وفي نفس الوقت ...القاعدة عل المصطبة ديه ؛ والواد خطيب اختي عمال يجيب في ورد وبتاع ؛ وعماليين يحبوا في التليفون لما ما بقتش عارفة اتكلم وفي الآخر الفاتورة تيجي ...عالية وماما تزعقلي انا واقولها هو انا اللي بحب في التليفون ؛ مافيش فايدة لا تصدق....حاجة تكسف يعني على اعتبار اني الكبيرة وكده

مش عارفة بين تنتن وتنتون ؛ القلب احتار

اجمل حاجة في فرفوشة انها ذاتية اوي ؛ وبعديين كسبتني انا سالي كقارئة ليها

ده في حد ذاته يحققلها اكتفاء عن باقي البشر ؛ لأن سالي مش بتقرا أي حاجة ؛

حتي لما بتضرب تقرير ولا تحقيق لزوم الشغل بتبقي عارفة كويس انها قالباه ؛ وما بتقرهوش ؛

بجد والله فرفوشة ديه محظوظة اوي ان ليها حد جميل زيي يقرالها

كل سنة وهي طيبة

وكل سنة وانا طيبة

وكل مايو واحنا بخير

دمااااااااااغي

الحب ... كلمة شرف

اصدق كلمة حب تسمعها ......من الطفل

الرجولة ...أدب مش هز كتاف
الألم ....... شعور صحي عندما يأخذ الجرح في الالتئام
الابتسامة .... صدقة
السلام .......سلام ربنا .... بس الناس تفهم
الاستهبال ........له ناسه
التردد = المرأة
التفرد ..... كذبة الرجل
الأمان= الأب
المسئولية + الأمان = الرجل
النقود..........ترتفع بصاحبها شريطة وضعها تحت قدميه
الإرتباط ( رسمي ولا سلالم كلية ) = الالتزام أما القبول أو الرفض

ع الدائري

المثل الشعبي يقول امشي عدل يحتار عدوك فيك

ماذا لو كان الطريق دائري ؟؟؟؟؟؟؟؟؟

تدوينة تانية خاااااااااااااااااااااااالص

hello

على الرغم من رومانسية الأغنية إلا انها ارتبطت معايا من الصغر بمشهد كوميدي من تخيلي وابتكاري ؛ يعني الاغنية قديمة شوية يمكن اول مرة سمعتها كانت 95 -96 مش فاكرة انما كان المشهد اللي تخيلته مع مطلع الأغنية

hello is it me you lookin for

ليونل ريتشي اللي كنت اصلا زمان ما اعرفش اسمه طبعا ؛ طالع من تحت كنبة جدتي ؛ معرفش ازاي لأنها كانت مقفلة زي السندرة

الخشبية كده وفتحة بسيطة يتزنق فيها الشبشب بتاعي عشان لما اجي اروح بيتنا اللي هو العمارة اللي في الوش ؛ مالقيهوش ؛ ماعلينا ؛ طبعا ماكنتش فاهمة ايامها غير هالو ؛ بس اشمعني هالو من تحت الكنبة ؛ معرفش ؛ وليه المغني ده بالذات تخيلته طالعلي من تحت الكنبة وبيقولي هالو ؛ برضه معرفش ؛ طبعا سمعتها من يجي قيمة 3 شهور كده تاني وطبعا فطست من الضحك ؛ اه اشمعنى كنبة تاتا القديمة ؛ مش كنبة الانتريه أو الصالون بتاعنا برضه معرفش؛ يمكن عشان انا كنت بدور على الشبشب وهو _ رغم اني كنت ماعرفش وقتها _ كان بيدور على حبيبته

فنتة

انزويت بعيداً ملتصقة بالجدار البارد..امتصت عظامي برودته كالأسفنج في عطشه للماء لايرتوي من ظمأ لطالما انتظرت دوري ..الخالق جل وعلا قالها " أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لا يُفْتَنُونَ" امضيت ايامي اجهز العدة .... نقاط الضعف في خط دفاعي فاضحة تثير الازدراء ..والفتنة الكبرى قادمة تعلن عن اقترابها دقات الساعة ... وتأتي الرياح بما تشتهي السفن ...قوي الشر تختبر اقوى حصوني ..تلك التي ازهو بها واختال ؛ فهو اختبار الخالق الرحمن الرحيم .... وهي ليست سوى قوى مسيرة مرآة لما في نفوسنا " وَمَا أَصَابَكَ مِن سَيِّئَةٍ فَمِن نَّفْسِكَ " فتنتي كانت موطن قوتي ما ظننت اني قادرة على تحمل اعبائه دون تذمر او كلل ؛ ما مدحني فيه الآخر وتوجني لأجله بتاج البهاء ...الآن وقد حاصرته قوى الشر تقذفه لبعضها كالكرة يتلاقفها الفتية في احتراف ومهارة ..هاك سؤالي هل رسبت يا قلبي في الاختبار ..ربي ربي لا املك سوى كونك بارئي..

Let the rain come down and wash away my tears

Let it fill my soul and drown my fears

Let it shatter the walls for anew sun