مايحكمش

شيء مستفز انك تسمع كلام مالوش أي موقع من الاعراب

أو تبقى قاعد في أمانة الله وتلاقي كلام رشق في ودنك خرمها

اتنين ستات ...طبيعة الحوار الدائر دايماً مابينهم يإما الطبيخ وشغل البيت يإما الخناقات العائلية

وفجأة يتحولوا لشيوخ ...ويوجعوا ودانك بفتاوى عجيبة أوي

قال ايه البنات اللي بيطلعوا في المظاهرات وهم عارفين انهم ممكن يتعرضوا للسحل وممكن الاغتصاب كمان قال ايه ....قال ايه ...بيندرجوا تحت اللي بيلقوا نفسهم في التهلكة ...وحكمهم زي حكم المنتحر كده ....

ههههههههههههههههههه


بس لو الزمن لف وشاءت إرادة الله إن حد من اللي بيقول كده
يدوق حرقة قلب أم خالد
ياترى حينبسطوا أما يسمعو إن الناس تعاطفت معاهم ...وصلوا ركعتين ودعوا على الوحش اللي قتل الواد

طب احنا ...بنخاف وبنطلعش ....نسكت
زي ما الرسول قال لتقل خيراً أو لتصمت
إنما ....نفتي ....
اهو ده اللي كان ناقص
وحسبي الله ونعم الوكيل